За прв пат по повеќе од две децении, израелската армија распореди тенкови на окупираниот Западен Брег во неделата во услови на воена ескалација на окупираната територија.
Во соопштението на израелската армија се наведува дека војниците на пешадиската бригада Нахал и единицата Дувдеван почнале со операции во неколку села во близина на Џенин на северниот дел на Западниот Брег.
Израелската јавна телевизија КАН објави дека распоредувањето тенкови е дел од „пошироките подготовки за проширување на воените операции на северниот дел на Западниот Брег“.
Тоа е првпат од 2002 година израелската армија да распореди тенкови како дел од воената операција „Дефанзивен штит“ на Западниот Брег.
Армијата од минатиот месец спроведува воени операции на северот на Западниот Брег, при што загинаа најмалку 60 луѓе, а илјадници се раселени.
Нападите се најнови во израелската воена ескалација на Западниот Брег каде што најмалку 923 Палестинци се убиени, а речиси 7.000 се ранети во нападите на израелската војска и илегалните доселеници од почетокот на нападот врз Појасот Газа на 7 октомври 2023 година, според палестинското Министерство за здравство.
Меѓународниот суд на правдата во јули објави дека долгогодишната окупација на палестинските територии од страна на Израел е незаконска, што бара евакуација на сите населби на Западниот Брег и Источен Ерусалим.
