Специјалниот известувач на Обединетите нации за Палестина, Франческа Албанезе, рече дека она што го направи Израел во Газа не се разликува многу од масакрот на цивилите во другите делови на светот и изјави дека геноцидот во Газа, како Сребреница и Руанда, е извршен со одобрение на светот.
Албанезе на платформата X цитираше објава на Високиот комесаријат за човекови права на ОН во кој се обвинува Израел за егзекуција на 11 невооружени Палестинци пред нивните семејства во областа Ал-Римал во Газа.
„Ако погледнете внимателно, ќе видите дека она што се случи во Газа не се разликува многу од другите масакри на цивили. Геноцидот не е единствен чин, тоа е процес и мора да се спречи, но како порано во Сребреница и Руанда, се случува во Газа со одобрување на светот“, рече Албанезе.
Таа цитираше и порака во која се вели дека геноцидот и масакрите на децата во Газа ги извршиле платеници од Франција, САД, Англија, Украина, Италија, Германија, Јужна Африка и Индија, но никој не ги нарекол странски терористички борци.
Таа повика на притисок врз националните правосудни системи да ги истражат и гонат оние кои вршат воени злосторства во странство, вклучително и на окупираните палестински територии, во нивните земји на државјанство.
