Цистерни и камиони со гориво почнаа да влегуваат во Појасот Газа од Египет, како дел од договорот за хуманитарна пауза во воените дејствија што го постигнаа Хамас и Израел.
Четиридневната хуманитарна пауза во сите подрачја во Појасот Газа меѓу израелската армија и Хамас стапи на сила утрово во 7 часот по локално време, привремено запирајќи ги нападите за размена на затвореници и за помош.
Извори од страната на Газа кај граничниот премин Рафах потврдија за Анадолу дека протокот на гориво почна да пристигнува во блокираниот Појас Газа.
Утврдено е дека камиони со помош превезувале гориво и гасни боци.
Египет објави дека 130.000 литри дизел и четири камиони гас дневно ќе бидат испорачани во Газа кога ќе започне четиридневниот прекин на огнот во петок.
Израелската блокада на влезот на гориво во Појасот Газа ја оневозможи работата на болниците бидејќи останаа без струја, амбулантните возила не работеа, а лекарите вршеа хируршки операции со светилки за мобилни телефони.
Во првата недела од конфликтот во Газа на почетокот на октомври, единствената електрана во регионот престана да произведува електрична енергија поради недостиг на гориво.
Подоцна снемало и гориво потребно за работа на генераторите што се користат за болници, телекомуникациски компании, здравствени домови и вадење вода од бунари.
