Кина го повика Вилијам Лаи Чинг-те новоизбраниот претседател на Тајван, кој следната недела треба да положи заклетва, да избере помеѓу мир и војна, објавија државните медиуми.
„Тоа е мир, а не војна, развој, а не регресија, интеракција, а не одвојување и соработка, а не конфронтација што го претставува преовладувачкото јавно мислење во тајванското општество“, рече Чен Бинхуа, портпарол на Канцеларијата за прашања на Државниот совет на Кина за Тајван, коментирајќи го можниот говор на Лаи на инаугурацијата закажана за понеделник.
Портпаролот рече дека Лаи „мора да одлучи дали да ги послуша аспирациите на народот и да го следи патот на мирен развој или да отстапи од јавното мислење“.
Кина го смета Тајван за своја отцепена провинција, кој пак инсистира на независност од 1949 година.
Според тајванското Министерство за одбрана, Кина прелета 45 авиони и отплови шест бродови околу Тајван во средата.
Околу 26 од кинеските авиони ја преминаа средната линија во Тајванскиот теснец и влегоа во северната и југозападната зона за идентификација на воздушната одбрана на островската држава (АДИЗ). Пекинг не ја препознава ниту средната линија ниту АДИЗ.
Лаи (64) беше избран во јануари и ја наследи првата претседателка на Тајван, Цаи Инг-вен.
Кина ја презира владејачката Демократска напредна партија на Цаи, која го загуби мнозинството во регионалното законодавно собрание од опозициската Куоминтанг.
Лаи моментално служи како заменик на Цаи и е наречен „опасен сепаратист“ од Пекинг поради неговите зборови и постапки кои Кина ги смета за анти-кинеска политика.
И покрај тоа што нема официјални дипломатски односи со Тајван, ангажманите на западните нации предводени од САД се зголемија во последниве години, предизвикувајќи остри критики од Пекинг.
