Светските сили рекоа дека ќе го сметаат рускиот лидер Владимир Путин за одговорен за неодамнешните широко распространети воздушни напади врз украинските градови, вклучително и Киев.
„Ги осудуваме овие напади на најсилно можни зборови и потсетуваме дека неселективните напади врз невиното цивилно население претставуваат воено злосторство“, се вели во соопштението на Г7 објавено во вторникот по видео конференцијата на која се обрати и украинскиот претседател Володимир Зеленски.
„Ќе бараме одговорност од претседателот Путин“, стои во соопштението.
„Ќе продолжиме да обезбедуваме финансиска, хуманитарна, воена, дипломатска и правна поддршка и цврсто ќе стоиме со Украина онолку долго колку што е потребно“, се вели во заедничката изјава.
„Го уверивме претседателот Зеленски дека сме непоколебливи во нашата посветеност да ја обезбедиме поддршката што и е потребна на Украина за да го одржи својот суверенитет и територијален интегритет.
Лидерите, исто така, ја критикуваа руската „неодговорна нуклеарна реторика“.
„Ние жалиме за намерните руски чекори за ескалација, вклучително и делумна мобилизација на резервисти и неодговорна нуклеарна реторика, која ги доведува во опасност глобалниот мир и безбедност. Потврдуваме дека секоја употреба на хемиско, биолошко или нуклеарно оружје од страна на Русија ќе биде пресретната со тешки последици. “, се вели во соопштението.
Зеленски им кажа на лидерите на Г7 дека Владимир Путин сè уште има „простор за ескалација“ по дводневните раширени воздушни напади врз градовите низ Украина, вклучително и Киев.
„Рускиот лидер, кој сега е во последната фаза од своето владеење, сè уште има простор за понатамошна ескалација“, рече Зеленски.
Ова е „закана за сите нас“, додаде тој.
Тој, исто така, ги повика своите западни сојузници да и помогнат на Украина да го финансира системот за противвоздушна одбрана, откако десетици руски напади ги исфрлија електроенергетските капацитети низ целата земја.
„Ве молам да ги зајакнете севкупните напори за финансиска помош за создавање на воздушен штит за Украина.
Милиони луѓе ќе и бидат благодарни на Г7 за таквата помош“, рече тој за време на видео обраќањето до лидерите на Г7.
Тој рече дека Украина страда од „масивни“ руски ракетни напади и рече дека московските сили истрелале повеќе од 84 проектили во понеделникот и уште 28 во вторникот.
