Над 40 земји-членки на ОН, вклучително и САД, денеска во заедничка изјава го осудија како што се вели рускиот незаконски трансфер на оружје за Северна Кореја.
“Русија и Северна Кореја не можат да го закопаат јавното известување, вклучително и за незаконски трансфери на оружје во Русија. Независните експерти продолжуваат да објавуваат извештаи што ја пополнуваат оваа празнина и ги задржуваат прекршувањата во очите на јавноста. Најостро ги осудуваме тие незаконски трансфери, кои значително придонесоа за способноста на Русија да ја води својата војна против Украина “, се вели во изјавата која ја прочита американскиот заменик амбасадор во ОН Роберт Вуд.
За неодамнешниот договор за воена соработка меѓу Русија и Северна Кореја, Вуд рече: „Ние сме длабоко загрижени за безбедносните импликации од унапредувањето на оваа соработка за Европа, Корејскиот Полуостров, Индо-пацифичкиот регион и целиот свет“.
Американскиот – заменик амбасадор во ОН истакна дека земјите-членки го повикале Советот за безбедност на ОН да ја исполни својата одговорност да се спротивстави на заканата на Северна Кореја за меѓународниот мир и безбедност што го поткопува глобалниот режим на неширење.
Претходно овој месец рускиот претседател Владимир Путин беше во државна посета на Северна Кореја, со што ги подигна врските со Пјонгјанг. Двете страни ветија дека ќе си дадат воена поддршка една на друга во случај на каква било агресија.
