Најмалку пет лица застрелани во училиште во Шведска

Најмалку пет лица се застрелани во училиште во централниот дел на Шведска, објавија денеска локалните медиуми.

По инцидентот со пукањето, голема полициска операција е во тек во училиштето Кампус Рисбергска во Еребро, град што се наоѓа на 200 километри западно од Стокхолм.

На самото место се спасувачките екипи и брзата помош, а уште не се знае состојбата на застреланите.

Луѓето во училиштето се затворени внатре и се повикани да останат таму, додека јавноста е предупредена да не се приближува до областа.

Според информациите што ги објави Афтонбладет, за време на акцијата било пукано и во полицијата.