Најмалку седум Палестинци загинаа во новите израелски напади во Појасот Газа.
Палестинската Црвена полумесечина соопшти дека израелски воени авиони извршиле воздушен напад врз пекара во бегалскиот камп Сумуд.
Кампот се наоѓа во регионот Ел-Меваси, западно од градот Кан Јунис, и во него се сместени раселените палестински цивили.
Петмина Палестинци беа убиени во овој напад, а нивните тела беа пренесени во болницата Насер.
Израелски воени авиони, исто така, гаѓаа Палестинци кои патуваа со трактори во областа Мисбах на улицата Шухеда во Рафах.
Во нападот беа убиени двајца браќа од семејството Киста - Мухамед и Нур Хамдан.
Во израелските напади врз Појасот Газа од 7 октомври минатата година, загинаа 41.226 Палестинци, од кои најмалку 16.795 деца и 11.378 жени, а 95.413 беа ранети.
