Унгарскиот премиер Виктор Орбан изјави дека „секоја нација има право да се прикаже“ и „тоа се случи“ на церемонијата на отворањето на Олимпијадата.
Забелешките на Орбан доаѓаат два дена по церемонијата на отворањето што наиде на реакција од христијанскиот свет за употребата на приказот од познатата слика „Тајната вечера“.
„Што се однесува до Олимпијадата, предлагам да останеме смирени“, рече Орбан и додаде дека би било непотребно да се навредуваат Французите.
„Да не ги навредуваме, бидејќи Французите ќе бидат наши сојузници на многу начини, краткорочни, среднорочни и долгорочни“, рече тој.
„И ќе мора да работиме со некого“.
„На крајот на краиштата, секоја нација има право да се прикаже себеси. Па, тоа и се случи!“, иронично нагласи Орбан.
Церемонијата на отворањето на Олимпијадата во Париз во 2024 година наиде на значителни реакции поради прикажувањето на сликата на Леонардо да Винчи „Тајната вечера“ со изведба „drag queen“ (травестит), која многумина ја сметаат за непочитување на религиозните верувања.
На церемонијата, одржана на реката Сена, беа прикажани 6.800 спортисти кои парадираа по патека долга 6 километри со 85 чамци, а беше проследена низ целиот свет преку настапи во живо и телевизиски преноси.
