Џорџ Роџер Вотерс, познат британски музичар и кантавтор и еден од основачите на рок групата Пинк Флојд, му се заблагодари на турскиот претседател Реџеп Таип Ердоган и на турскиот народ за видеото што го сподели турската Дирекција за комуникации по повод првата годишнина на израелските напади врз Палестина.
Ердоган, исто така, му се заблагодари на Вотерс за споделувањето на гореспоменатото видео, кое беше објавено од Дирекцијата за комуникации на својот профил на социјалните мрежи.
Потоа, Вотерс се огласи на социјалните мрежи за да го пофали односот на Ердоган и турскиот народ кон Палестина.
„Господине, всушност треба да ви се заблагодариме вам и на турскиот народ што делувавте на Западoт како глас против геноцидот што се врши врз нашите браќа во Палестина. Видеото што го снимивте е значајно, полно со разбирање, убаво и реално. Ќе остане запаметено и во 2040 година. Ви благодариме, Туркије“, објави Вотерс.
Во соопштението на Дирекцијата за комуникации на турскиот претседател по повод првата годишнина од израелските напади на Палестина, има и видео кое го прикажува геноцидот на Израел на палестинска територија и позицијата на Туркије против таквиот третман на Палестинците.
