Повеќе од 400.000 шатоди поставени се во сите области погодени од земјотресите, додека 370.482 ги подготвија официјалните институции, соопшти турскиот министер за внатрешни работи Сулејман Сојлу / Photo: AA

Бујукнаџар беше сликовито село сместено високо во планините на јужната турска област Кахраманмараш се додека не беше избришано од мапата по катастрофалните земјотреси од 6 февруари во кои загинаа десетици илјади луѓе.

Многу малку нешта не се уништени во населбата која беше дом за 2.000 луѓе пред земјотресите со јачина од 7,7 и 7,6 степени по Рихтер што ја погодија Туркије на 6 февруари, чиј епицентар беше само 26 километри јужно.

Земјотресот и дополнителните потреси однесоа повеќе од 45.000 животи во Туркије и 5.000 во соседна Сирија, со што вкупната бројка на смртните случаи достигна повеќе од 50.000.

Во земјотресот загинаа 120 луѓе во Бујукнаџар, земјоделско село опкружено со планини и живописни долини исполнети со храстова и борова шума.

„Само четири или пет куќи уште стојат, но сите се оштетени“, рече Зија Сутделиси, 53-годишен поранешен администратор на селото.

Туркије се протега преку некои од најактивни светски линии на раседи и не ѝ се непознати големи потреси. Но ниту еден земјотрес во последниот век што ја погоди земјата, не беше како овој, толку разорен и смртоносен.

Сопругата на Зија, Кијмет, рече дека селаните се чувствувале релативно сигурно на повеќе од 1.000 метри надморска височина.

„Тогаш сѐ се сруши за неколку секунди“, рече таа, опкружена во урнатините од камените и бетонските куќи.

Преживеаните кои останаа да живеат во шаторите, тагуваат и се присетуваат на земјотресот што го смени животот на милиони луѓе.

Сутделиси и понатаму го прогонува потресувањето на тлото, кое во темнина ги нишало зградите како клатно.

„Како истовремено да поминуваа 10 возови“, рече тој.

Оживување на регионот

Со патиштата што водеа до блоковите на заедницата, потребни беа денови за помошта да стигне до нив, принудувајќи ги семејствата рачно да го пробијат својот пат низ урнатините во потрага по заглавените најблиски. Со оглед дека возилата на брзата помош не можеле да дојдат до нив преку оштетените и со снег покриените патишта, жителите само ги однеле повредените во најблиските болници.

„Шест дена, ние 40 лица бевме сместени во импровизиран шатор. Беше студено и снежно“, рече Кијмет.

Секое семејство сега има свој шатор кој го обезбедила владата. Стигнуваат контејнерските домови ко селаните планираат да им ги доделат на повозрасните и најзагрозените лица.

Но ништо нема да биде цврсто одлучено ниту ќе биде сменето за преживеаните на Бујукнаџар се додека официјалните лица не направат анализа на теренот за да се утврди дали на луѓето ќе им биде дозволено да останат тука и да ги обноват населбите.

Неколку преостанати згради би можеле да се урнат како последица на еден од многуте последователни земјотреси што ја погодија Туркије во последниот месец.

„Не би се осмелиле да влеземе во куќите“, рече Хулја Моргу која живее во селото. „Тие секако се наши непријатели.“

Турскиот претседател Реџеп Таип Ердоган најави дека ќе се обнови јужниот регион на земјата по силните земјотреси што претходно ја погодија Туркије во текот на минатиот месец.

„Со завршувањето на активностите на отстранувањето на урнатините, почнуваме реконструкција и оживување на нашиот регион“, рече Ердоган на брифингот за новинарите во Кахраманмараш, каде беше епицентарот на земјотресите.

„За неколку месеци почнуваме изградба на 309.000 куќи, вклучувајќи ги и куќите во селата, во целата земјотресна зона“, додаде тој.

Претседателот исто така ја предупреди јавноста дека дополнителни земјотреси и понатаму траат и ги повика да избегнуваат влез во оштетените објекти. Обединети во тагата и упорноста, преживеаните створија нови врски, кои нудат надеж.

„Сите ние страдавме, си помагаме едни на други“, рече Сутделиси со насмевка на лицето додека бербер од Газиантеп на него и на уште двајца мажи им понуди бесплатно шишање на отворено.

„Животот мора да продолжи за нашите деца“, рече тој.

TRT World
Популарни