Франција вчера го откажа тренингот за пливачкиот настан во реката Сена поради нејзината загаденост предизвикана од поројните дождови во подрачјето на Париз.
„По неодамнешните поројни дождови во Париз, квалитетот на водата во Сена моментно е под прифатливиот стандард за зачувување на здравјето на пливачите. Соодветно на тоа, во консултација со јавното здравство и партнерите за организација на настанот, донесена е одлука настанот планиран за 4 август да биде откажан“, се наведува во соопштението на Францускиот пливачки сојуз.
Тренингот треба да се одржи пред Светскиот куп што е закажан за викендов.
Францускиот портал „Ле Парисиен“ објави дека Сена е „премногу загадена“ и дека тренингот е откажан пред Светското првенство закажано за овој викенд, кој претставува пробен настан за Олимписките игри 2024 што ќе се одржат во Париз.
Светскиот куп во пливање во отворени води 2023 за жени и мажи би требало да се одржи под мостот Александар Трети на реката Сена на 5 и 6 август.
