Палестинката Иман ал Мисри, која со семејството се засолнила во училиште во Деир ал Белах во централниот дел на Појасот Газа, каде Израел продолжува со интензивните напади, родила четворки.
Според веста на официјалната палестинска новинска агенција ВАФА, Ал-Мисри, која со сопругот, мајката и децата побегна од регионот Беит Ханун на северот на Појасот Газа и се засолни во училиштето Рафида во Деир Белах, родила четворки.
Оваа Палестинка и нејзиното семејство се обидуваат да преживеат во тешки услови во засолништето.
Ал Мисри рече дека била во болница четири дена бидејќи имала контракции во осмиот месец од бременоста.
Бебињата се родени со царски рез. По породувањето ѝ било кажано дека ѝ треба удобен кревет и средства за опоравување. Меѓутоа, во прифатилиштето нема ништо од тоа, дури ни доволно млеко за бебињата.
И таткото на бебето рекол дека немаат доволно млеко за новороденчињата, а училиштето во кое се сместени нема ни доволно гас, струја и брашно.
Тој додаде дека едно бебе се уште е во болница, но не можат да дојдат до неа и да дознаат како е.
