Една Палестинка и дете загинаа во понеделник во воен напад во градот Тулкарм на Западниот Брег од оган на израелската армија, соопшти Министерството за здравство.
Во соопштението на Министерството се додава дека уште четири лица се повредени, без да се наведат дополнителни детали.
Според очевидци, израелските сили извршија рација во бегалскиот камп Нур Шамс во Тулкарм во услови на судири со вооружени Палестинци.
„Израелските сили бомбардираа куќа во близина на мојот дом“, изјави очевидецот Камал Ахмед Џабер за Анадолу. „Слушнавме пукотници. Куќата до нас експлодираше, а околните куќи беа оштетени“, додаде тој.
Израелската војска редовно спроведува рации на Западниот Брег во последните неколку години, што ескалира со почетокот на војната во Газа минатиот октомври.
Палестинците, исто така, се соочија со насилни напади од илегални доселеници. Најмалку 554 Палестинци оттогаш се убиени, меѓу кои 133 деца и речиси 5.300 се повредени во оган на израелската армија на Западниот Брег, според Министерството за здравство.
Израел е обвинет за геноцид пред Меѓународниот суд на правдата, кој му нареди на Тел Авив веднаш да ја прекине својата воена операција во Рафах во јужниот дел на Појасот Газа, каде што повеќе од милион Палестинци побараа засолниште од војната пред да биде нападната на 6 мај.
