Американскиот државен секретар за одбрана, Лојд Остин, коментирајќи го вчерашниот напад врз американската база во Ирак, рече дека Соединетите Американски Држави нема да толерираат напади врз своите војници во регионот.
Остин и државниот секретар Ентони Блинкен одржаа заедничка прес-конференција по состаноците со австралиските колеги во Анаполис.
Остин рече дека внимателно ги следат најновите случувања на Блискиот Исток и се чувствителни на прашањето за осигурување на безбедноста и на Израел и на американските војници.
Потсетувајќи дека некои американски војници беа ранети во нападот на базата „Ајн Ал Асад“ во Ирак, Остин рече:
„Без сомнение, САД нема да толерираат напади врз своите војници што служат во регионот.“
Тој, исто така, изјави дека зад нападот на базата „Ајн Ал Асад“ стои шиитската милиција поддржана од Иран, но дека во оваа фаза нема да именува конкретна група додека истрагата продолжува.
Од друга страна, американскиот државен секретар Блинкен го оцени можниот процес за прекин на огнот во Појасот Газа и наведе дека Јахја Синвар, новиот шеф на Политичкото биро на Хамас, има голема одговорност на своите плеќи.
„Господин Синвар е главен носител на одлуки во постигнувањето на ова примирје, така што сега е на него да одлучи дали ќе продолжи со прекинот на огнот, од што корист би имале очајните палестински жени, деца и мажи“, рече Блинкен.
