Модниот дизајнер Роберто Кавали почина вечерва на 83-годишна возраст во Фиренца, објавено е на неговиот официјален профил на Инстаграм.
“Драг Роберто, можеби веќе не си тука физички со нас, но знам дека секогаш ќе го чувствувам твојот дух со мене. Најголемата чест во мојата кариера беше да работам под твоето наследство и да создадам за брендот што го основавте со таква визија и стил“, изјави креативниот директор на Роберто Кавали, Фаусто Пуљиси.
Извршниот директор на „Роберто Кавали“ Серхио Аколари изрази сочувство во име на компанијата.
Кавали го основа својот бренд во 1970-тите и разви иновативен процес на производство на облека од кожа и тексас, и изгради оригинален моден имиџ користејќи смели животински принтови и тексас гардероба со навртки со дијаманти.
„Јас копирам животинска облека на човечка облека, затоа што сакам да го копирам Бога“. Мислам дека Бог е фантастичен дизајнер“, е познатата изјава на Кавали.
