Полски политичар рече дека владата ќе бара од Германија отштета во износ од околу 1,3 билиони долари за инвазија и окупација на Полска во Втората светска војна.
Јарослав Качински, лидерот на партијата Право и правда, објави во четврток тврдење по објавување на долгоочекуваниот извештај за цената - бидејќи земјата ја чинеа години окупација од нацистичка Германија, во момент кога се одбележуваат 83 години од почетокот на Втората светска војна.
„Не само што подготвувавме извештај, туку и донесовме одлука за понатамошни чекори“, рече Качински во текот на претставувањето на извештајот.
„Ќе ѝ се обратиме на Германија да отвориме преговори за репарации“, рече Качински, додавајќи дека тоа ќе биде „долг и нималку лесен пат“, но „еден ден ќе донесе успех“.
Тој инсистираше дека тој потег ќе послужи на „вистинско полско-германско помирување“, кое ќе биде засновано на „вистината“.
Полската десничарска влада тврди дека земјата која беше прва жртва на војната во потполност не добила оштета од соседна Германија, која сега е еден од нејзините главни партнери во Европската унија.
„Германија никогаш не одговарала за своите злосторства против Полска“, рече Качински, тврдејќи дека многумина Германци кои извршиле воени злосторства живееле неказнето во Германија по војната.
Полскиот политичар смета дека германското стопанство е способно да ја надомести отштетата.
Берлин вели дека отштетите се веќе платени
Германија тврди дека на државите од источниот блок им е исплатена компензација во годините по војната, додека териториите кои Полска ги загубила на истокот со прекројување на границите добиле компензација со некои германски предвоени земји.
Берлин овој предмет го смета за затворен.
„Полска одамна во 1953 година, се откажа од понатамошни репарации и го потврди тоа откажување“, изјави Министерството за надворешни работи во одговорот преку е-мејл на прашање на новинската агенција Асошиејтед Прес за новиот полски извештај.
Најголемите лидери, вклучувајќи го Качински, кој е главниот креатор на полската политика, и премиерот Матеус Моравицски, присуствуваа на свеченото објавување на извештајот во Кралскиот двор во Варшава, обновен од воените урнатини.
Објавувањето на тритомниот извештај беше во центарот на националното одбележување на годишнината од војната која почна на 1 септември 1939 година со бомбардирањето на нацистичка Германија и инвазијата врз Полска, после што следуваше повеќе од пет години брутална окупација.
Тим составен од повеќе од 30 економисти, историчари и други експерти работеше на извештајот од 2017 година. Тоа прашање донесе билатерални тензии.
Близу шест милиони граѓани на Полска, вклучувајќи три милиони Евреи, убени се во војната. Некои од нив беа жртви на советска Црвена армија која изврши инвазија од истокот.
