Кинескиот претседател Си Џинпинг и рускиот претседател Владимир Путин ќе присуствуваат на самитот Г20 во Индонезија, рече индонезискиот претседател Јоко Видодо, кој ќе биде домаќин на овогодишниот собир кој се одржува во ноември.
„Си Џинпинг ќе дојде. Претседателот Путин ми рече исто така дека ќе дојде“, рече Видодо во интервју за американскиот Блумберг.
Седумнаесеттиот по ред самит на шефови на држави и влади на Г20 ќе се одржи во ноември на индонезискиот остров Бали.
Г20 е стратешка мултилатерална платформа која ги поврзува најголемите светски развиени економии и растечките економии кои претставуваат повеќе од 80 отсто од светскиот БДП и сочинуваат 75 отсто од меѓународната трговија и 60 отсто од светската популација.
Членки на Г20 се Аргентина, Австралија, Бразил, Канада, Кина, Франција, Германија, Индија, Индонезија, Италија, Јапонија, Република Кореја, Мексико, Русија, Саудиска Арабија, Јужна Африка, Туркије, Обединето Кралство, Соединетите Американски Држави и Европската Унија.
