Рускиот претседател Владимир Путин потпиша указ за зголемување на бројот на војници во руската армија за околу 180.000.
Бројот на воениот персонал се зголеми на повеќе од 2,3 милиони.
Според декретот потпишан од Путин и објавен во рускиот државен правен информативен систем, бројот на персоналот на Вооружените сили на Русија е утврден на 2.389.130 лица, вклучувајќи 1,5 милиони војници.
Одлуката ќе стапи во сила на 1 декември.
Според заменик-претседателот на Советот за безбедност Дмитриј Медведев, годинава договори со Министерството за одбрана потпишале околу 190.000 граѓани.
На почетокот на овој месец, Путин рече дека бројот на заинтересирани да се приклучат на воениот персонал нагло се зголемил откако украинските сили извршиле упад во рускиот пограничен регион Курск.
Во декретот потпишан во декември 2023 година, Путин го зголеми бројот на персоналот во руската армија на повеќе од 2,2 милиони, вклучително и повеќе од 1,3 милиони војници.
Дополнително, во уредбата се наведува наредба до Владата да ги одвои парите потребни за спроведување на уредбата.
