Говорејќи на самитот на НАТО, шпанскиот премиер Педро Санчез ги повика партнерите во Алијансата да го покажат истото „единство и доследност“ за Газа како што демонстрираа за Украина.
„Не може да бидеме обвинети дека применуваме двојни стандарди што би ја ослабнале нашата поддршка за Украина. Напротив, бараме исто единство и конзистентност за Газа како што бараме при одговорот на руската инвазија на Украина“, рече Санчез во Вашингтон.
„Важно е нашите граѓани да разберат дека имаме конзистентен политички став и дека нема двојни стандарди“, нагласи тој.
„Ако му кажуваме на нашиот народ дека ја поддржуваме Украина затоа што го браниме меѓународното право, мора да го сториме истото и за Газа. Ако бараме почитување на меѓународното право во Украина, тоа мора да го бараме и во Газа“, рече шпанскиот премиер.
Санчез присуствува на самитот на НАТО на одбележување на 75-годишнината, од формирање на алијансата.
Додека Израел е обвинет за воени злосторства во Газа пред меѓународните судови, како и од многу земји и меѓународни монитори, западните земји се обвинети за лицемерие во продолжувањето на поддршката на израелската офанзива додека ги осудуваат наводните злосторства на Русија во Украина.
Деветмесечната офанзива на Израел однесе над 38.000 животи, а повредени се најмалку 88.000 други.
