Најмалку шест лица се повредени во египетскиот туристички град Таба, кој се наоѓа во близина на границата со Израел, откако проектил погодил тамошна здравствена установа во петокот рано наутро, јави египетската телевизија Ал Кахера.
Според Ал Кахера, проектилот што ја погодил Таба е поврзан со борбите во Појасот Газа, кој се наоѓа на околу 220 километри, каде израелските сили се подготвуваат за копнена инвазија, но не се знае која од завојуваните страни го истрелала.
Неименуван египетски функционер рече дека Египет го задржува правото да одговори откако ќе се утврди кој ја истрелал проектилот, според локалните медиуми.
Израелската војска соопшти дека знае за безбедносен инцидент околу Таба, истакнувајќи дека тој се случил „надвор од нашата граница“, според весникот „Једиот Ахронот“.
