Премиерот на Шпанија, Педро Санчез, вчера изјави дека Долниот дом на шпанскиот парламент предложил признавање на палестинската држава до 2027 година.
„Ќе го сториме тоа од морални убедувања, бидејќи тоа е праведна кауза, но и затоа што тоа е единствен начин две држави - Израел и Палестина - да можат да живеат заедно и да коегзистираат во мир и безбедност“, објави Санчез на социјалната мрежа Х.
Бидејќи мандатот на Санчез завршува во 2027 година, шпанскиот премиер наведе дека ќе го поттикне Конгресот на пратеници да ја признае палестинската држава.
Шпанија се издвојува меѓу европските земји по тоа што покажува најсилна поддршка за Палестина, а Санчез минатиот ноември рече дека Мадрид може еднострано да ја признае палестинската држава дури и доколку ЕУ не се согласува.
