Египетскиот претседател Абдел Фатах ал Сиси нема да отпатува во Вашингтон на разговори во Белата куќа доколку планот на американскиот претседател Доналд Трамп за раселување на Палестинците од Газа биде на дневен ред, дознаваат два египетски безбедносни извори.
Трамп и Сиси разговараа на 1 февруари. Тогаш американскиот претседател го покани египетскиот претседател да ја посети Белата куќа, соопшти египетското претседателство.
Не е одреден датум за посетата, рече американскиот претставник.
Египетското претседателство и Министерството за надворешни работи не одговорија на барањето на Ројтерс за коментар.
Трамп го налути арапскиот свет со тоа што претстави план за трајно раселување на повеќе од два милиони Палестинци од Појасот Газа и за американска контрола над Газа, која, според него, ќе се претвори во ривиера на Блискиот Исток.
Притоа, тој побара од Египет и Јордан да ги прифатат Палестинците кои инаку би биле протерани.
Тој, исто така, зборуваше во вторникот во Белата куќа за својот план за време на посетата на јорданскиот крал Абдула, на кој се чинеше дека му е непријатно.
Египет, еден од најголемите приматели на американска воена помош, ја дели границата со Појасот Газа.
Сиси постојано изјавува дека Египет никогаш нема да учествува во големо раселување на Палестинците преку границата.
