Израелските воздушни напади врз опколената Газа започнаа по изненадувачката офанзива на Хамас во која загинаа најмалку 232 Палестинци, соопшти палестинското Министерство за здравство.
Во објавата на својот Фејсбук профил во саботата, Министерството соопшти дека 1.697 Палестинци биле исто така ранети.
Министерството додаде дека неговите медицински тимови работат со полн капацитет „за да спасат десетици сериозни и критични случаи во операционите сали и одделенијата за интензивна нега“.
Најмалку 250 Израелци исто така се убиени во ескалацијата со Хамас, јави агенцијата Анадолу (АА), цитирајќи го израелскиот Канал 3.
Израелското воено радио соопшти дека бројот на ранети надмина 1.000.
„Борбите во јужен Израел се уште траат“, соопшти израелското Министерство за надворешни работи, додавајќи дека безбедносните сили „ги обезбедуваат областите кои се под напад на Хамас“.
Болниците низ Израел се справуваат со стотици ранети пациенти, а над 460 луѓе моментално добиваат медицинска помош.
Медицинскиот центар Сорока во Бершеба соопшти дека лекува најмалку 280 жртви, од кои 60 се во тешка состојба. Болницата Барзилај во Ашкелон, во близина на Газа, објави дека лекувала 182 ранети лица, од кои 12 се во критична состојба.
Се очекува бројот на загинати цивили да се зголеми.
Блинкен го повика палестинскиот лидер Абас да го осуди нападот
Американскиот државен секретар Антони Блинкен разговараше со палестинскиот претседател Махмуд Абас, барајќи од него да го осуди нападот на Хамас врз израелските населби и градови.
Фатах доминира со палестинската управа, со седиште на Западниот Брег, окупиран од Израел, додека Хамас управува со Газа.
Во повикот Блинкен „го повика целото раководство во регионот да го осуди“ нападот на Хамас врз Израел, се вели во соопштението на американскиот Стејт департмент.
