Тензиите прераснаа во вооружен конфликт меѓу фракциите на ПКК/ЈПГ-СДФ, поддржани од Глобалната коалиција против ДАЕШ предводена од САД, и Воениот совет на Деир Езор поради хегемонистичките практики на терористичката организација.
„За време на судирите имаше бројни жртви и повредени од двете страни. Склоноста на организацијата кон насилство и репресија во решавањето на прашањата во овој период придонесе за зголемени жртви, рекоа во петокот безбедносни извори.
„Дополнително, заштитниот став на САД кон терористичката организација за време на овие настани ја охрабри ПКК/ЈПГ-СДФ и предизвика значителна реакција меѓу арапските племиња.
„Насилството извршено од ПКК/ЈПГ-СДФ, која е уште една терористичка организација вооружена наводно за борба против ДАЕШ, врз локалното население во источен Еуфрат достигна загрижувачки нивоа“, додаваат изворите.
Пристапот на ПКК/ЈПГ-СДФ склон кон насилство кон населението под нејзина контрола уште еднаш покажа дека терористичката организација не може ефективно да ги застапува правата на сириските Курди и Арапи, ниту да дејствува како ефикасен актер во борбата против ДАЕШ
Таргетирање на цивили
Покрај тоа, терористичката организација ПКК/ЈПГ-СДФ продолжува со нападите во деескалираните области во Сирија, покрај угнетувањето на арапските племиња.
Терористичката група во петокот изврши повеќе минофрлачки и ракетни напади врз областите под контрола на опозицијата, што резултираше со смрт на шест лица, вклучително и пет деца.
„Документираните злосторства на ПКК/ЈПГ-СДФ според извештаите на ОН, како што се насилно регрутирање малолетници, спроведување произволно притворање на цивили и подложување на цивили на принудно раселување, достигнаа неприфатливо ниво“, велат изворите.
„Тековните обиди на терористичката група да доминира со природните ресурси на Сирија и нејзиниот народ се неприфатливи“.
Активностите на терористичката организација ПКК/ЈПГ-СДФ претставуваат најзначајна закана за територијалниот интегритет и стабилност на Сирија.
„Неодамнешните судири и напади насочени кон цивили нагласуваат дека реториката „братство на народите“ на терористичката организација е, во реалноста, само еден пример за насилството што го нанесува врз локалното население“, додаваат изворите.
Неодамнешните настани уште еднаш истакнаа дека ПКК/ЈПГ-СДФ не ги застапува правата на сириските Курди и Арапи и лесно се трансформира во угнетувачка организација, која прибегнува кон тероризам во сите околности.
Интензивен конфликт
Претходно во петокот, локални извори соопштија дека вооружените арапски племиња во Џараблус започнале операција за целосно расчистување на терористичката организација од регионот, при што поголемиот дел од неа е под контрола на опозициските сили, а некои делови се окупирани од терористичката група ПКК/ЈПГ.
По тешките судири од областа беа исчистени терористите на ПКК/ЈПГ.
После тоа, терористичката организација, која ја продолжува својата окупација во северните делови на областа Манбиџ, изврши напад врз селото во регионот на Џараблус во кој загинаа шест лица, а други осум беа повредени.
Како одговор на нападот врз цивилите, арапските племиња употребија тешко оружје за да ги гаѓаат позициите на ПКК/ЈПГ.
Оттогаш, вооружениот конфликт се интензивира со арапските племиња во областа Деир Езор во источна Сирија, окупирана од ПКК/ЈПГ.
Следење на сосотојбата со „загриженост“
Анкара рече дека внимателно и со „загриженост“ ги следи неодамнешните судири меѓу ограноците на терористичката група ПКК/ЈПГ и некои арапски племенски елементи во селата на источната сириска провинција Деир Езор.
„Неодамнешниот развој е нова манифестација на обидите на ПКК да доминира над Сиријците со примена на насилство и притисок врз нив и кршење на нивните основни човекови права“, се вели во соопштението на турското Министерство за надворешни работи во петокот.
„Се надеваме дека вистинските бои на ПКК, која сака да ги прикрие нејзините цели и намери под изговор за борба против ДАЕШ, нејзините поддржувачи ќе ги видат без понатамошно одлагање и без да предизвикаат натамошно страдање на античките народи во регионот, вклучително и сириските Курди“, додаваат од Министерството.
Во својата повеќе од 40-годишна терористичка кампања против Турција, ПКК - на листата на терористички организации од Турција, САД, ОК и ЕУ - е одговорна за смртта на речиси 40.000 луѓе, вклучувајќи жени, деца и доенчиња.
ЈПГ е сириски огранок на ПКК.
