Денеска ширум светот се одбележува Светскиот ден на хуманитарната помош со соодветни акции за да се привлече вниманието на јавноста за важноста на хуманитарните акции и работата на хуманитарните работници во областите погодени од кризи и војна.
Децата во Газа, која десет месеци се соочува со израелски напади, веројатно најдобро знаат што значи хуманитарна помош и колку е важно да се добие оброк секој ден за да се преживее ужасот во опколената палестинска енклава.
Децата во Газа, како и претходните денови, така и денеска, кога се одбележува Светскиот ден на хуманитарната помош, чекаа во редици со контејнери за да го добијат оброкот што им значи живот.
На Палестинците им е се потешко да дојдат до храна и други потреби поради израелските напади и ембаргото воведено на палестинската територија.
Светскиот ден на хуманитарната помош е годишен настан што го одбележува Генералното собрание на Обединетите нации, во спомен на годишнината од бомбардирањето на седиштето на ОН во Багдад, Ирак во 2003 година, во кое загинаа 22 вработени на ОН.
Со ова се оддава почит на сите оние кои се соочуваат со опасност при обезбедувањето хуманитарна помош.
Според ОН, 2023 година беше најсмртоносна година за хуманитарните работници, а 2024 година може да биде уште посмртоносна.
И покрај универзално прифатените меѓународни закони кои го регулираат водењето на вооружениот конфликт и го ограничуваат неговото влијание, кршењето на овие закони продолжува со несмалено, неспорно и неконтролирано размери.
Додека цивилите, вклучително и хуманитарните работници, ја плаќаат крајната цена, сторителите продолжуваат да ја избегнуваат правдата.
