Светската здравствена организација во вторникот соопшти дека ефектите од гладот во Појасот Газа стануваат сѐ потешки секој ден, бидејќи лекарите и медицинскиот персонал гледаат дека „новородените бебиња едноставно умираат затоа што имаат премногу мала тежина при раѓање“.
„Тие ги гледаат бремените жени кои доаѓаат, исто така, со недоволна тежина и страдање, компликации што се јавуваат ако се обидувате да носите бременост и ви недостасува исхрана“, рече портпаролката на СЗО, Маргарет Харис на брифингот за печатот на ОН во Женева.
„Сè почесто гледаме деца кои се на работ на смртта поради гладување и на кои им треба повторно хранење, а нашата работа сега е воспоставување центри за стабилизација на неухранетост“, рече Харис.
Таа додаде дека тие веќе поставиле еден на југ и сега со нетрпение очекуваат да го направат истото и на север од Газа.
Но додаде таа, за да можат да формираат такви центри, ќе треба да ги донесат материјалите во обем што во моментов не е возможен „без пристап на теренот и безбедност“.
Израел спроведе смртоносна воена офанзива врз Газа по прекуграничниот упад на палестинската група Хамас на 7 октомври 2023 година, во кој загинаа речиси 1.200 луѓе.
Повеќе од 31.800 Палестинци, главно жени и деца, оттогаш се убиени во енклавата, а речиси 74.000 други се повредени, покрај тоа што Израел предизвика масовно уништување и раселување.
Глад е неизбежен во Газа, според агенцијата на ОН за палестински бегалци, која вели дека само постојан пристап на теренот и повеќе залихи ќе спасат животи.
