Агенцијата на Обединетите нации за помош и работа за палестинските бегалци (УНРВА) ќе продолжи да обезбедува помош на палестинските територии и покрај израелската забрана што треба да се спроведе до крајот на јануари, изјави директорот на УНРВА, Фелипе Лазарини.
„Ние ќе останеме и ќе испорачаме. Локалниот персонал на УНРВА ќе остане и ќе продолжи да обезбедува итна помош и, каде што е можно, образование и примарна здравствена заштита“, рече Лазарини на конференцијата во Осло.
Тој не појасни како УНРВА ќе дејствува во областите контролирани од Израел.
Законите донесени од Израел во октомври минатата година забрануваат УНРВА да работи на израелска територија и ги спречуваат израелските власти да имаат било каков контакт со агенцијата.
Израелските власти претходно објавија дека е откриено дека повеќе од десет вработени во УНРВА учествувале во нападот на Хамас врз јужен Израел во октомври 2023 година.
