Комуникациските услуги во Газа ќе бидат целосно прекинати во следните часови поради голем недостиг на гориво, предупреди денес палестинската Регулаторна управа за телекомуникации.
„Започнува одбројувањето за прекин на сите комуникациски и интернет-услуги во Појасот Газа“, изјави Лаит Дарагмех, извршен директор на Регулаторната управа за телекомуникации.
Тој додаде дека во тек се контакти со меѓународните институции „за да се обезбеди влез на количествата гориво неопходни за работата на комуникациската служба“.
Палестинскиот министер за комуникации, Исхак Сидр, во неделата предупреди дека сите комуникациски и интернет-услуги ќе се прекинат во Појасот Газа до утре (четврток), поради недостиг на гориво.
Израел ја забрани испораката на гориво во Појасот Газа по прекуграничниот напад на Хамас на 7 октомври.
Во израелските напади во Појасот Газа досега загинаа најмалку 11.320 Палестинци, меѓу кои над 7.800 жени и деца, а повеќе од 29.200 се повредени.
Од минатиот месец илјадници згради, вклучително болници, џамии и цркви, се оштетени или уништени во немилосрдните израелски воздушни и копнени напади врз опколената енклава.
