Најмалку двајца Палестинци се убиени, а четворица се ранети за време на рација на израелски војници во Џенин на окупираниот Западен Брег и бегалскиот камп Џенин.
Палестинското Министерство за здравство соопшти дека израелските војници отвориле оган за време на рација во Џенин на северниот дел на Западниот Брег.
Според веста на официјалната палестинска новинска агенција ВАФА, Февваз Хамад, директор на болницата Ер-Рази во Џенин, изјавил дека „17-годишниот Рејан Ибрахим ал-Сајид бил убиен за време на нападот на израелската војска врз Џенин“.
Палестинската Црвена полумесечина соопшти дека едно лице загинало во бегалскиот камп Џенин.
Пријавено е дека медицински екипи укажале прва помош и превезле четири повредени во болница.
За време на рацијата израелските војници ги придружуваа булдожери и тешки возила за уривање.
Според очевидци, израелската војска придружувана од булдожери го нападнала Џенин и бегалскиот камп.
Додека во кампот се слушаа експлозии, израелската армија постави снајперисти во некои високи згради во градот.
Според извештаите, израелските војници опколиле куќа и испратиле засилување во областа. Констатирано е дека над градот интензивно летаат беспилотни летала.
Од 7 октомври 2023 година, кога Израел го започна својот напад врз Појасот Газа, има зголемен број притворања, рации и напади врз Палестинците на окупираниот Западен Брег и Источен Ал Кудс (Ерусалим).
