Бугарскиот премиер Николај Денков синоќа ја поднесе својата оставка до парламентот како дел од планираниот чекор со владиниот коалициски партнер на неговата партија.
Во изјавата Денков ја опиша својата оставка како „покана за преговори“ со коалициониот партнер, партијата Граѓани за европски развој на Бугарија (ГЕРБ).
„Мојата оставка не е политичка игра, туку резултат на претходно дадено ветување“, рече тој.
Тој додаде дека неговата влада ќе продолжи со своите должности до формирање на следната влада.
Според договорот меѓу партијата ГЕРБ и блокот предводен од партијата Продолжуваме да се менуваме на Денков, неговиот деветмесечен мандат истекува на 6 март.
Премиерската позиција ќе ја преземе министерката за надворешни работи Марија Габриел, која ја претставува партијата ГЕРБ.
Денков стана премиер по гласањето доверба од парламентот на 6 јуни минатата година.
Неговата оставка мора да биде одобрена од парламентот
