Пијанистот Бугра Чанкир, кој е роден со аутизам и кој се смета за своевиден музички гениј, за првпат денеска ќе го изведе концертот за пијано на Бах како солист со оркестар на концерт во салата на Претседателскиот симфониски оркестар во турскиот главен град Анкара.
Чанкир беше оценет како апсолутен слухист на тест спроведен од Универзитетот во Калифорнија во САД на возраст од 10 години. Неговата способност да ги разликува фреквенциите на сите звуци во природата беше регистрирана од Медицинското друштво во Висконсин во 2007 година и тој беше означен како музички гениј.
И покрај неговата попреченост во учењето поради аутизам, тој доби формално музичко образование и освои бронзен медал на Меѓународниот фестивал на пијано за лица со посебни потреби.
По овие успеси, Чанкир, исто така се стекна со звањето докторанд на Универзитетот за музика и ликовни уметности во Анкара. Тој за првпат ќе го изведе Концертот за пијано бр. 5 од Јохан Себастијан Бах под диригентската палка на Џеми Кан Делиорман.
„Ова ќе биде првпат да одржи концерт на вакво престижно место под диригентската палка на престижен диригент. На овој концерт покрај музиката ќе се раскаже уште една животна борба, искуство, авантура“, изјави неговиот татко Кемал Чанкир.
Ерхан Озден, ректорот на Универзитетот за музика и ликовни уметности во Анкара и уметнички директор на концертот, рече: „Бугра е многу посебен студент, тој има апсолутен слух. Тој е пијанист уште од своето детство и има потенцијал веднаш да биде забележан .Овие посебни деца се многу важни за развојот на уметничкото образование“.
Во подготовката на овој концерт Бугра работела најмалку седум до осум часа дневно, додаде Озден.
