Писателката Лејла Шериф Емин од Скопје со своето дело „Јазикот на Румелија“ во турскиот град Истанбул ја доби наградата за култура и уметност за 2023 година, која ја додели Друштвото за студии за култура и уметност (ЕСКАДЕР) во категоријата „Јазик“.
Емин ја доби наградата во во текот на свеченоста одржана во Истанбул, која ѝ ја врачи генералниот конзул на Северна Македонија во Истанбул Идриз Фазлиоски.
Традиционалните награди „Уметност и култура“ беа доделени по процес на евалуација на објавените дела и културни активности за 2023 година, со придонес на членовите на здружението и многу луѓе од културната сфера, додека во 23 категории беа доделени бројни признанија и награди.
Претседателката на Управниот одбор на ЕСКАДЕР, Фатма Ерсем Јаргиџи, истакна дека наградите се избрани од делата создадени во текот на годината и дека овој процес бара сеопфатна посветеност.
Делата кои добија награди од жирито на „ЕСКАДЕР“ беа од следните области: роман, поезија, расказ, есеј, нарација, мемоари, дневник и класична уметност.
