Севдалинката, босанско-херцеговската градска и нардона песна запишана е на Репрезентативната листа на УНЕСКО на нематеријалното културно наследство на човештвото.
По тој повод, во Федералното министерство за култура и спорт одржана е прес-конференција на која е истакнато дека процесот на запишување на севдалинката на Репрезентативната листа на УНЕСКО траел неколку години, но дека благодарејќи на исклучително посветената работа, и покрај бројните потешкотии тој процес е завршен.
„Еве денес е тој свечен момент Федералното министерство кое ја кандидирало севдалинката има можност да каже дека тој процес е завршен, уерена сум и на голема радост на сите жители, не само на Федерацијата БиХ, туку и на целата Босна и Херцеговина“, рече министерката за култура и спорт на ФБиХ Сања Власиављевиќ.
Помошничката на министерката Мирела Милиќевиќ Шечиќ, која со својот тим работеше на процесот на запишување на севдалинките на Репрезентативната листа на УНЕСКО, рече дека со овој чин, севдалинката станува „дел од културниот мозаик на светот, достоен претставник на културата на нашите народи и богатото нематеријално наследство на нашата земја“.
„Во Парагвај се одржува 19-та седница на Меѓувладиниот комитет за нематеријално културно наследство на која ќе биде официјализирана регистрацијата на севдалинките. Но, многу е важно што пред еден месец го добивме официјалниот извештај на телото за оценување на УНЕСКО, кое помина една година разгледувајќи ги сите елементи на нашата номинација, за да можат да дадат свое мислење за тоа. Севдалинка според сите пет критериуми ги исполни сите услови и нејзиното место на оваа светска листа е сосема неспорно“, изјави Милиќевиќ Шечиќ.
Стручна поддршка за подготовката на документот за номинација даде академската заедница, со учество на претставници на две високообразовни институции, Универзитетот во Сараево и Универзитетот во Мостар.
Тамара Карача Бељак од Музичката академија на Универзитетот во Сараево, рече дека оваа институција работи многу на промоција на традиционалната музика на Босна и Херцеговина. „Ова впишување на севдалинка, и ние сме бескрајно среќни поради тоа, ни ја отвори вратата и ни покажа како тоа може да се направи и како некои други форми на традиционална музика на Босна и Херцеговина исто така можат да се најдат на Репрезентативната листа на УНЕСКО. изјави Карача Бељак.
Лидија Владиќ-Мандариќ, професор на Универзитетот во Мостар, која исто така учествуваше во процесот на запишување на севдалинката на списокот, во писмена порака вели дека „ова признание не е само потврда за нејзината исклучителна вредност, туку и повик до сите да преземат одговорност за неговата трајна заштита и пренос“.
„Севдалинка не е само музички израз. Тоа е жива историја, песна што го носи гласот на народот, сведоштво за минатите времиња и чувствата што не обединуваат. На Универзитетот во Мостар, а особено на Катедрата за музика, длабоко сме свесни за моќта на севдалинката како културен феномен и за нејзината огромна важност во обликувањето на нашиот босански идентитет“, рече Владиќ-Мандариќ.
Федералното Министерство за култура и спорт смета дека ова меѓународно признание ќе поттикне понатамошна работа на промоција на севдалинката, како и проекти за зачувување на други бројни културни изрази кои се дел од културниот идентитет на луѓето во Босна и Херцеговина.
