Продажбата на аукцијата на уметничка збирка на коосновачот на Мајкрософт Пол Ален, кој почина во 2018 година во Кристи во Њујорк ја надмина историската граница од милијарда долари, со низа рекордни износи за делата на Ван Гог, Сезан и Гоген.
И покрај економската неизвесност поради војната во Украина и инфлацијата, пет слики влегоа во малата збирка дела продадени на аукција за повеќе од 100 милиони долари одржана во Менхетен, што е потврда дека пазарот на недвижнини и понатаму напредува.
Најскапата меѓу нив, Позерки од 1888 година од Жорж Пјер Сера, слика која ја сметаат за ремек-дело на поентилизмот, продадена е за 149,2 милиони долари, соопшти аукциската куќа Кристи.
Вкупниот износ од продажбата ќе биде наменет за хуманитарни цели.
Ален потпиша дека богатството ќе го донира во хуманитарни цели
И покрај расправите со Бил Гејтс, со кој во 1975 година го основал Мајкрософт, американскиот милијардер Пол Ален во 2009 година потпиша дека се обврзува голем дел од своето богатство да го даде во добротворни цели.
Кипот на Алберто Џакомети „Венецијанка III“ продаден е за 25 милиони долари.
Скулптурата на германско-американскиот уметник Макс Ернст „Играта на кралот и кралицата“ продадена е за 24,3 милиони долари, а на аукцијата се најдоа и делата на сликарите Диего Ривера, Лусиан Фројд, Винсент Ван Гог и Пол Гоген, чија слика Мајчинство II (1899 година) продадена е за 105,7 милиони долари.
Делото на Густав Климт „Букова шума“ постигна цена од 104,5 милиони долари, што е уште еден рекорд.
Експерти: Уметноста повеќе од било кога е сигурно место за инвестирање
Овие рекорди сведочат за квалитетот на збирката која ја собрал Пол Ален, милијардер со широко поле на интереси, кој во родниот Сител го основал музејот на поп-културата и поседувал неколку спортски франшизи, меѓу кои и Сиетл Сихокс.
Експертите од оваа аукциска куќа истакнуваат дека уметноста повеќе од било кога е сигурно место за вложување, и покрај несигурната економска состојба.
„Има повеќе милијардери отколку ремек-дела“ на пазарот и „побарувачката е многу разновидна“ со се поголема присутност на клиенти од Азија и од Блискиот исток“, рече Адриен Мејер, експерт за модерна уметност во Кристи.
