Американскиот претседател Џо Бајден објави дека спротивно на својата претходна изјава нема намера да се обрати во израелскиот Парламент (Кнесет) и да се сретне со израелскиот премиер Бенјамин Нетанјаху.
Како што пишува „Тајмс оф Израел“, Бајден одговарал на прашања на новинарите на враќање во Белата куќа од Њу Хемпшир.
Во врска со неговите изјави од 10 март, во кои наведе дека размислува да се обрати пред Кнесетот за Газа, велејќи дека „Нетанјаху сега му прави поголема штета отколку корист на Израел“, Бајден рече дека не ги планира претходно најавените работи.
На прашањето дали планира да се сретне со Нетанјаху, Бајден одговори: „Не.“
Нетанјаху вчера за телевизијата „Фокс њуз“ изјави: „Имаме договори (со Бајден) за основните цели, но постојат и несогласувања. На крајот, Израел мора да одлучи.“
