Премиерот на ентитетот на Босна и Херцеговина на Федерацијата Босна и Херцеговина, Нермин Никшиќ потврди дека во поплавите и големото невреме што синоќа зафати делови од ФБиХ има и човечки жртви.
„Поради обилните врнежи во текот на ноќта, повеќе места во областа Јабланица, Коњица, Кисељак, Крешево и Фојница беа зафатени од поплави и одрони. Од синоќа сум во комуникација со екипите на терен и ја координираме акцијата за помош, покрај сите потешкотии што ги имаме во комуникацијата поради оштетените мрежи. Ситуацијата е многу сериозна бидејќи многу граѓани се уште се заробени во своите куќи и наоѓаме начин да стигнеме до нив. За жал, имаше и човечки жртви, но се уште ги немаме сите информации поврзани со тоа. За сѐ ќе ја информираме јавноста штом добиеме потврда од терен“, рече Никшиќ и додаде:
„Од раните утрински часови се мобилизирани сите надлежни и интервентни екипи. Успеале да евакуираат одреден број граѓани заробени во нивните домови покрај водата, а продолжуваат да ги посетуваат погодените подрачја за да ги спасат луѓето и да им пружат помош. Очекуваме дополнителна помош во текот на денот. Во акцијата е вклучени и МУП, чиј хеликоптер почнал да евакуира повредено дете.Сега најважно е да се евакуира загрозеното население и да се спречат дополнителни штети“.
Засега непотврдени информации говорат дека има пет жртви во невремето во Јабланица, изјави за Анадолу Мајда Ковач, портпарол на Федералната управа за цивилна заштита (ФУЦЗ).
Таа посочи дека врнежите од дожд во изминатите 24 часа на подрачјето на Јабланица, Коњица, Кисељак, Фојница и Крешево предизвикале големи тешкотии кај жителите од овие општини.
„Имаше голем број повици од граѓани поради влегување на вода во приземни простории, прекинати се патните и телефонските комуникации. Во прекин се патните комуникации од правец Јабланица - Мостар, Јабланица - Рисовац, Јабланица - Прозор Рама, Јабланица - Коњиќ. Комуницираме со луѓе на терен, поради големите поплави и одрони, голем дел од населението е загрозено, со информации дека има жртви, како и голем број на исчезнати и повредени неофицијално, кога ќе се проверат овие информации, тогаш можеме да зборуваме официјално дека во Јабланица има пет жртви“, објасни Ковач.
Таа нагласи дека од локалниот пат е отсечен и дел од Бутуровиќ Поље.
„Тешко е да се пристапи до повредените. Во градот Острожац дошло до уривање на пругата“, рече Ковач.
Тие стапија во контакт со Министерството за одбрана, Министерството за безбедност, федералното Министерство за внатрешни работи, кантоналните администрации и сите оние кои можат да мобилизираат ресурси за да им помогнат на граѓаните во овие ситуации.
Барање е испратено и до Министерството за одбрана на Босна и Херцеговина за ангажман на вооружените сили и авионите.
„Едно повредено дете треба да се евакуира. Од теренот најмногу се бара тешка механизација“, рече Ковач.
Таа се осврна и на состојбата на подрачјето на Фојница, наведувајќи дека има евакуации.
„Имаше поплава на неколку локалитети во месноста Фојница. А сите сили се на терен долу. 17 лица се евакуирани од Заводот за ментална нега, центар за сместување луѓе. Тие се евакуирани на првиот кат на објектот. Едно лице беше заробено во автомобил на патот, контактот беше изгубен“, изјави Ковач за АА.
Таа додаде дека е неопходно да се евакуираат луѓето во различни области на оваа општина.
