На 199.500 хрватски граѓани им биле блокирани сметките на крајот на јануари, поради вкупно 2,94 милијарди евра главен долг, соопшти Финансиската агенција на Хрватска (Фина).
Според ФИНА,истовремено се блокирани и12.600 деловни субјекти чиј главен долг изнесувал 664,3 милиони евра.
Статистиката покажува дека на крајот на јануари во регистарот на блокирани платежни лица се регистрирани 199.467 потрошувачи што е за 0,2 отсто повеќе во однос на претходниот месец, а за 5,9 отсто помалку од пред една година.
Минатиот месец бројот на блокирани потрошувачи првпат по 15 години падна под 200 илјади или блокирани се 199.165.
Главнината на нивниот долг на крајот на јануари годинава изнесува 2,94 милијарди евра, што е за 0,2 отсто повеќе од декември 2024 година и за 8,7 отсто повеќе од јануари 2024 година.
Кога на долгот по камата од 1,11 милијарди евра ќе се додаде главнината од 2,94 милијарди евра, вкупниот долг на граѓаните со блокирани сметки на крајот на јануари изнесува 4,05 милијарди евра.
Потрошувачкиот долг кон банките како доверители изнесува 650 милиони евра (без камата), а кон сите финансиски институции 730 милиони евра, соопшти ФИНА.
Поради неизвршени основи на наплата, на крајот на јануари годинава во регистарот на основите на плаќање се евидентирани 12.619 деловни субјекти, што е за 58 деловни субјекти или за 0,5 отсто повеќе во однос на декември лани и за 1.110 деловни субјекти или за 8,1 отсто помалку во однос на јануари 2024 година.
