Шестгодишно дете почина во понеделник наутро од последици на грип во болница во Загреб, а единаесетгодишно дете е хоспитализирано на Клиниката за инфективни болести и е во тешка состојба.
„Шестгодишното дете имаше тешка респираторна инсуфициенција, беше хронично болно и не беше вакцинирано против грип. 11-годишното дете е на механичка вентилација и неговата состојба е сериозна и неизвесна. Повеќето деца кои доаѓаат кај нас со вакви проблеми, за жал, не се вакцинирани“, изјави проф. Горан Тешовиќ, началник на Заводот за инфективни болести за деца.
„Починатото дете имало неколку коморбидитети, како и друго дете кое е тешко болно. Како што е познато, најголем број заболени од грип оваа сезона, но и воопшто, се деца од предучилишна и училишна возраст“ , вели Тешовиќ, кој предупредува дека е неопходна вакцинација.
Тој нагласи дека се случува и здрави деца да подлегнуваат на тешки форми на грип, наведувајќи примери од пред две и пет години.
Во Хрватска оваа сезона се регистрирани околу 25.000 случаи на грип.
Најголем број случаи има кај децата од предучилишна возраст, а најмал кај лицата над 65 години.
30 лица починаа од грип или компликации поврзани со грип оваа сезона, покажуваат податоците на Хрватскиот завод за јавно здравје.
