Девет пратеници, вклучително и поранешни министри, во четвртокот поднесоа оставки од главната грчка опозициска партија СИРИЗА и го обвинија лидерот Стефанос Каселакис дека „недемократски“ ја води партијата.
Меѓу оние кои ја напуштија партијата се поранешната министерка за труд Ефи Ахциоглу, поранешната алтернативна министерка за надворешни работи Сиа Анагностопулу, поранешниот заменик министер за труд Насос Илиопулос, поранешниот владин портпарол Димитрис Цанакопулос, еден од основачите на партијата Меропи Цуфи, поранешниот алтернативен министер за социјална солидарност Фотиу Теано, министерот за внатрешни работи Алексис Чарицис и пратениците Озгур Ферхат и Хусеин Зејбек - и двајцата го претставуваат турското малцинство во земјата во Западна Тракија.
Илиопулос најави дека ќе им се придружат и поранешниот министер за финансии Евклид Цакалотос и поранешниот член на централниот комитет на партијата Пети Перка и ќе се формира посебна парламентарна група од 11 пратеника.
Пратениците во заедничката изјава рекоа: „Грција се наоѓа на критична точка ... екстремната десница и реакционерните перцепции добиваат на сила ... Соочени со овој развој, силите на прогресивната опозиција се појавуваат на дистанца од грижите и проблемите на граѓаните.“
„Ова е длабоко политичко прашање. Недостига модерен политичко-општествен проект кој нѐ убедува, не реторички, туку во пракса, дека можеме да ја победиме доминацијата на десницата“, се вели во соопштението.
Се вели дека „милиони Грци“ очекуваат левичарска партија која може да произведе прогресивни решенија за проблемите на земјата бидејќи „СИРИЗА тоне во омаловажување“.
