Претседателот на Туркије, Реџеп Таип Ердоган, истакна дека нема некое прашање меѓу Туркије и Грција што не може да се реши.
Ердоган го истакна ова на заедничката прес-конференција со грчкиот премиер Киријакос Мицотакис во Атина.
„Нашите постојни прашања сакаме да ги решиме со заеднички напори и во рамките на конструктивниот дијалог, добрососедството и меѓународното право“, рече Ердоган.
„Праведното, постојаното и одржливото решавање на кипарското прашања врз основа на фактите на овој остров е од интерес на целиот регион“, нагласи тој.
Ердоган, меѓу другото, рече: „Сакаме Егејот да го претвориме во море на мирот и соработката. Сакаме со заеднички чекори, кои ќе ги направиме како Туркије и Грција, да бидеме пример во светот.“
За средбата, Ердоган рече дека двете страни размениле мислења за своите ставови во однос на Егејското Море и Источниот Медитеран. „Од нашите министри за надворешни работи побаравме да работат во оваа насока“, истакна тој.
„(Затворањето на Кампот во Лаврио) Истакнав дека е потребна внимателност, со цел да не се формираат слични кампови во Грција што даваат можност за засолнување на терористите“, додаде тој.
Турскиот претседател на прес-конференцијата говореше и за ситуацијата во Газа.
„Тоа што случувањата се претворија во колективно казнување на населението во Газа и масакрирањето на 17.000 невини палестински цивили, ја погодува нашата совест“, додаде Ердоган.
