Односите меѓу Косово и САД се соочуваат со предизвици поради Одлуката на косовската Влада за динарот што ја засега српската заедница,изјави специјалниот пратеник на Соединетите Американски Држави за Западен Балкан, Габриел Ескобар, по двочасовната средба со премиерот на Косово, Албин Курти, денеска во Приштина.
Според Ескобар разговорот со Курти бил многу добар и тој јасно му рекол дека никој не треба да ги слуша приказните на луѓето за тоа како одлуката за динарот влијае на нив. Тој посочи дека итно мора да се реши прашањето за динарот.
„Одлуката на Централната банка за динарот доведе до одредени проблеми за граѓаните на оваа земја. Ние сме загрижени. Ќе продолжиме да работиме на тоа прашање, тоа е хуманитарно прашање кое треба веднаш да се реши. Очекуваме Владата во вторник да биде флексибилна во дијалогот“, рече Ескобар.
Премиерот на Косово како што рече Ескобар ветил дека ќе земе предвид дел од предлозите што му ги презентирал денеска. Тој изјави и дека го пофалил премиерот Курти за одлуката за враќање на 24 хектари земјиште на манастирот Високи Дечани.
Одговарајќи на новинарско прашање зошто односот кон Косово е неурамнотежен во однос на Србија, Ескобар одговори дека се што е направено е во корист на Косово.
„Што и да направивме во последните години, тоа го направивме за доброто на Косово. Така, веднаш по поднесувањето на барањето, го поддржавме приемот на Косово во Советот на Европа. Ги поддржуваме вашите демократски процеси, вклучително и изборите на север. Ние останавме со вас по нападот на 24 септември и ја олеснивме испораката на противтенковски тенкови Џавелин. Затоа објаснете ми како оваа ситуација е неурамнотежена“, нагласи Ескобар.
Американскиот пратеник изјави дека на Косово ќе остане до утре попладне.
Тој претходно денеска го посети манастирот Високи Дечани и ја посети општина Пеќ, каде се сретна со претставници на граѓанскиот сектор, младите од албанската, српската и бошњачката заедница и со градоначалникот на Пеќ, Газменд Мухаџери.
Вчера Ескобар се сретна со претседателката на Косово Вјоса Османи, политичките претставници на Србите на Косово, командантот на КФОР и граѓанското општество, а одржа работна вечера со лидерите на опозициските партии.
