Европскиот парламент го одобри вклучувањето на Хрватска во европската безвизна зона Шенген. Извештајот подготвен од страна на Европскиот парламент за ова прашање беше прифатен со 534 гласа „ЗА“ и 53 гласа „ПРОТИВ“. Со ова, Европскиот парламент практично го одобри укинувањето на контролите на внатрешните граници меѓу земјите од Шенген-зоната и Хрватска.
Европскиот совет на 9 декември 2021 година одлучи дека Хрватска ги исполнува потребните услови за членство во Шенген. Во извештајот усвоен денеска, Собранието го повика Европскиот совет да го продолжи процесот и да донесе конечна одлука за укинување на граничните контроли.
Конечната одлука за ова прашање мора да ја донесе едногласно Советот на ЕУ, кој е составен од земјите членки на ЕУ.
Во моментов, во Шенген-зоната има 26 земји. Тука, покрај земјите членки на ЕУ, со исклучок на Бугарија, Хрватска, Администрацијата на кипарските Грци, Ирска и Романија, спаѓаат и Норвешка, Исланд, Швајцарија и Лихтенштајн кои не се членки на ЕУ. Безвизно патување e можно меѓу земјите на Шенген-зоната.
Европскиот парламент го поддржа и пристапувањето на Бугарија и Романија во Шенген-зоната.
