Хрватска, Бугарија и Романија се „технички подготвени“ да се приклучат на Шенген зоната, изјави во четвртокот висок претставник на Европската комисија.
„Тие го направија она што го побаравме од нив... Ги штиклираа сите коцки и тие се подготвени“, рече Маргаритис Шинас, потпретседател на Комисијата, пред состанокот на ЕУ за апликацијата на трите земји да се приклучат на Шенген зоната за движење без пасоши.
Тој рече дека „неколкуте колебања што преостануваат се политички“.
„Тие поткопуваат два многу едноставни факти: ние сме посилни, а не послаби, преку проширувањето на Шенген, и второ, дека проширувањето на Шенген значи повеќе и подобри контроли, а не помалку“, рече Шинас.
„Значи, се надевам дека здравиот разум и отворените умови ќе надвладеат и ќе можеме да ја донесеме одлуката ако не денес, тогаш за неколку дена“.
Шинас рече дека останува сигурен дека Хрватска ќе добие влез во Шенген зоната.
„Уверен сум дека Хрватска ќе добие зелено светло и се надевам дека тоа ќе биде случај и за Бугарија и Романија“, додаде тој.
Со едногласна поддршка неопходна, Романија и Бугарија се соочуваат со тешка задача поради противењето на Австрија и Холандија.
Австрија се противи Бугарија и Романија да бидат вклучени во Шенген-зоната, која е зона за безвизно патување во Европа. Додека Холандија, пак, не сака вклучување во Шенген само за Бугарија.
Загриженоста поврзана со корупцијата, граничните контроли и владеењето на правото се наведуваат како причини во оваа насока за двете земји.
За вклучување на Бугарија и Романија ќе се гласа заедно, додека за Хрватска ќе се гласа посебно.
Исто така, за проширување на Шенген-зоната е потребно едногласно гласање на секоја земја членка.
Шенген-зоната се состои од 26 европски земји. Граѓаните на повеќе од 60 земји можат да патуваат без визи во земјите од Шенген-зоната. Во меѓувреме, визата е потребна за граѓани од повеќе од 100 земји.
