Земјотрес со сила од 4,3 степени според Рихтеровата скала денеска ја погоди областа околу Сисак, соопшти ЕМСЦ.
Првично беше објавено дека областа била погодена од земјотрес со јачина од 4,5 степени, но проценката е намалена на 4,3 степени според Рихтеровата скала.
Земјотресот бил почувствуван во 12 часот и 52 минути, а епицентарот бил девет километри североисточно од Сисак.
Дел од Сисак остана без струја, а земјотресот се почувствувал и во БиХ.
По земјотресот забележани се помали пукнатини, а мобилниот оператор А1 најави дека се можни потешкотии во телекомуникацискиот сообраќај.
Тие изјавија дека нивните екипи работат на нивно отстранување.
„Во споредба со „оној“ земјотрес, овој беше со умерена јачина, но со повеќе бранови, со вибрации кои лаички ги опишувам како намалена амплитуда на ударниот бран, но постојана умерена јачина. Непосредно пред тоа, кучињата во соседството почнаа да лаат. Многу непријатно потсетување на земјотресот од пред неколку години“, изјаво жител на областа за порталот Индекс.
Цивилната заштита пријави мала штета.
„Центарот на округот Сисак 112 досега има добиено околу 10 повици од граѓани за земјотресот, од кои два се за помали оштетувања (пукнатини).
