Петнаесет годишен малолетник вчеравечер во Босанска Крупа уби еден полицаец, а друг тешко рани.
Нападот се случил вчера нешто по 21 часот кога упаднал во полициската станица во Босанска Крупа.
„Нападот го извршил малолетник со ладно оружје, нож. Еден полицаец им подлегна на повредите,“, потврди Аднан Бегановиќ, портпарол на Министерството за внатрешни работи на Унско-санскиот кантон (УСК).
Се уште не се знае кои се точно мотивите за нападот на малолетникот, кој е лишен од слобода.
„Во моментов на лице место е истражната екипа, таму се и обвинителите. Се вршат увиди и се собираат информации за да се утврди мотивот“, додаде Бегановиќ.
Денеска тој истакна дека вчерашниот напад е оквалификуван како тероризам. Полицаецот кој беше повреден е успешно опериран во Кантоналната болница и е надвор од животна опасност.
По синоќешниот напад нивото на безбедност е подигнато на повисоко ниво на подрачјето на целиот кантон и засилени се полициските сили на терен.
