Министерството за надворешни работи на Република Северна Македонија (РСМ) соопшти дека деветте македонски државјани кои беа затекнаи во загрозеното подрачје од земјотресот што утрово ја погоди Туркије се на безбедно и не се во животно загрижувачка состојба.
„Деветте државјани на Република Северна Македонија, кои беа затекнати во загрозеното подрачје (осум ученици и нивен ментор/наставник, кои преку програмата „Еразмус плус“ престојуваат во Република Туркије), според последните информации се на безбедно и не се во животно – загрозувачка состојба. Се работи за ученици во средно училиште од Гостивар, при што учениците доаѓаат од поширокото соседство – Маврово, Тетово итн.“, информира Министерството за надворешни работи (МНР) на Северна Македонија.
Оттаму додават дека по инструкција на МНР, Амбасадата во Анкара испрати дипломат заедно со дополнително возило – комби – со кое загрозените граѓани ќе бидат упатени на безбедна локација од каде ќе го продолжат патот кон земјава.
„Последните информации говорат дека за едно од децата кое има скршеница, направена е првична медицинска санација, и истото е подготвено за патување и заедно со групата ќе биде упатено назад кон земјава, штом дипломатот од Амбасадата во Анкара пристигне на лице место“, соопштуваат од МНР.
Меѓу другото, додаваат и дека последните информации од Амбасадата во Анкара и Генералниот конзулат во Истанбул нема други државјани на Северна Македонија кои се наоѓаат во загрозена состојба, или на кои им е потребна асистенција, а претставништвата „остануваат отворени за евентуална интервенција доколку се појави потреба.“
„Ја користиме приликата уште еднаш да посочиме дека нашите дипломатски претставништва во Турција (Туркије) се на 24-часовно располагање за сите евентуални прашања“, додаваат од МНР.
Земјотрес со јачина од 7,7 степени според Рихтер во понеделникот наутро ја погоди Туркије со епицентар во областа Пазарџик во Кахраманмараш. Според досегашните информации, во земјотресите во Туркије загинаа 2.379 лица, додека 14.483 лица се повредени.
Земјотрес ја погоди и Сирија, каде загинаа најмалку 1.356 лица.
6 фев 2023
МНР на РСМ: Нашите државјани во Туркије не се во загрозувачка состојба
„Деветте државјани на Северна Македонија, кои беа затекнати во загрозеното подрачје според последните информации се на безбедно и не се во животно – загрозувачка состојба.“
TRT Balkan / агенции
Поврзани новости
Лидерите се договорија: Парламентарните и претседателските избори на 8.мај
Премиерот Димитар Ковачевски, по лидерската средба објави дека првиот круг од претседателските избори ќе се одржи на 24 април, а вториот круг заедно со парламентарните на 8 мај, додека на 28 јануари ќе биде формирана техничка влада
Написи во тренд во оваа категорија
ЕБОР ја потврди прогнозата за економски раст на Србија од 4 % за 2025/26 г.
Банката наведува дека значајните капитални инвестиции поврзани со Експо 2027 може да го поттикнат економскиот раст, но предупредува на глобалните геополитички тензии, што може негативно да влијаат на извозот и приливот на директни странски инвестиции
Хрватската економија лани забележала раст од 3,8 отсто
Ако го погледнеме кумулативниот економски раст од почетокот на 2021 година, Хрватска има втор најголем реален раст во ЕУ, над 25 %, веднаш зад економијата на Малта, која во истиот период порасна за повеќе од 35 %, изјави хрватскиот премиер Пленковиќ
Фидан: Туркије целосно го поддржува територијалниот интегритет на БиХ
Проблемите треба да се решаваат со дијалог, а фактот што албанскиот пешадиски вод ќе служи во рамките на турската единица во БиХ е конкретен пример за турско-албанската соработка, рече Фидан по средбата со албанскиот колега Хасани
Што друго би сакале да знаете?
Популарни
