Црногорската полиција трага по Ацо Мартиновиќ (45), осомничен дека убил најмалку десет лица вечерва во Цетиње, јавуваат тамошните медиуми.
Според последните информации, масовниот убиец наводно бил лоциран во комплексот на поранешната фабрика „Обод“ во главниот град на Црна Гора, Погорица.
Според официјалните информации, Мартиновиќ најпрвин убил четири лица во кафуле во близина на Спортскиот центар, по што се упатил кон другиот крај на градот, во населбата Хумчи, каде во куќа убил две деца и ја ранил сопругата на сопственикот на угостителскиот објект. Уште едно лице е убиено на трета локација.
Министерот за внатрешни работи на Црна Гора, Данило Сарановиќ соопшти дека во трагедијата на Цетиње загинале сопственикот на ресторанот „Велестово“ и некои членови на неговото семејство.
Шарановиќ рече и дека меѓу жртвите има и членови на семејството на Аце Мартиновиќ, осомничен за извршување на убиствата.
Црногорскиот премиер Милојко Спајиќ изјави дека уште четири лица се во животна опасност и дека лекарите од Клиничкиот центар на Црна Гора се борат за нивниот живот.
Како што дознава порталот РТЦГ, Мартиновиќ бил во конфликт со Д.К. со кого се сретнал во „Велестово“. Потоа отишол дома да земе пиштол, се вратил во кафулето и убил и ранил неколку лица. После тоа се упатил кон Хумчи, каде ги убил децата и сопругата на сопственикот на кафеаната.
Медиумите објавија дека Мартиновиќ пред две години бил уапсен поради поседување оружје и закани, но не се знае каква казна му е изречена.
Владата на Црна Гора од утре прогласи тридневна жалост.
