Унгарскиот премиер Виктор Орбан, кој е во официјална посета на Северна Македонија, во петокот во Охрид изјави дека Западен Балкан заслужува многу повеќе од она што го доби од Европската Унија, особено Северна Македонија, кон која, според него, Брисел направил „историска грешка“.
Орбан го изјави ова по медиумските написи дека Брисел го одвоил европскиот пат на Северна Македонија и Албанија за да и даде шанса на Тирана да напредува, додека Скопје и Софија не ги решат меѓусебните проблеми.
Двете земји заедно беа на патот кон ЕУ и двете ги започнаа пристапните преговори во летото 2022 година. Сепак, поради споровите меѓу Скопје и Софија, отворањето на поглавјето Северна Македонија не е на повидок, што директно влијае на напредокот на Албанија во пристапниот процес.
Унгарскиот премиер на прес-конференција со неговиот македонски колега Христијан Мицкоски во Охрид посочи дека заштитата на националните интереси и идеали е многу важна.
„Благодариме на поканата, драго ми е што сме тука и сакам да ви пренесам поздрави од унгарскиот народ. Оваа година прославуваме 30 години билатерални односи. Борбата за слобода, заштита на националните интереси, идеали и гордост ни се заеднички стремежи. Сакам следната меѓувладина седница да ја организираме во Унгарија за што го поканив премиерот Мицкоски, рече Орбан.
Тој рече дека е „многу важно народот да ја заштити националната гордост“.
Бидејќи Унгарија моментално претседава со ЕУ, фокусот на разговорите во Охрид беше патот на Северна Македонија кон членство во Унијата.
Според Орбан, важно е Западен Балкан, вклучително и Северна Македонија, да биде стабилен и да влезе во ЕУ.
Осврнувајќи се на забрзувањето на преговорите за членство на Украина и Молдавија во ЕУ, Орбан посочи дека не треба да се изостават земјите од Западен Балкан.
„Мораме да имаме геополитички фактори пред нас и да почитуваме дека земјите кои со години работат на влез во ЕУ се ставени на втор план. Ова не е фер од наша страна, а ние, како претседавач со ЕУ, верувам дека е многу важно членството на Западен Балкан во да остане на агендата на ЕУ“, рече Орбан и додаде:
„Луѓето на земјите од Западен Балкан заслужуваат многу повеќе од она што досега го добија од Брисел. Сакам да кажам дека овие земји одамна требаше да бидат членки на ЕУ“.
Унгарскиот премиер потсети и дека Северна Македонија е кандидат за членство во ЕУ од 2005 година, заедно со Хрватска.
„Хрватска е членка на ЕУ оттогаш, додека преговорите со Северна Македонија не се ни започнати и ова е многу голема грешка на ЕУ, која би ја окарактеризирал како историска“, рече Орбан, нагласувајќи дека ова е голем предизвик за владата на Северна Македонија.
Тој рече дека Унгарија може да посредува во спорот меѓу Северна Македонија и Бугарија.
Мицкоски порача дека државата не треба да губи надеж и да биде разочарана.
„Жал ми е што ова се случува и што мораме повторно да бидеме жртва на билатералните односи, а не на исполнувањето на критериумите од Копенхаген. Но, ќе продолжиме да работиме напорно. На албанската влада и посакувам се најдобро во преговорите и Се надевам дека многу брзо ќе ги завршат и ќе станат членка на ЕУ“, рече Мицкоски.
