Турската амбасада во грчката престолнина Атина во четвртокот беше домаќин на панел за историската димензија на турско-грчките односи.
Турскиот амбасадор во Грција Чагатај Ерџиес рече дека односите меѓу двете земји не биле секогаш напнати.
„Само ние, Туркије и Грција, можеме да ги решиме нашите разлики“, рече тој.
Панелот беше модериран од професорот Мустафа Ајдин од Универзитетот Кадир Хас во Истанбул, професорот Енис Тулка од Универзитетот Галатасарај во Истанбул и професорот Евантис Хацивасилиу од Универзитетот во Атина.
Тие ги истакнаа одличните односи иницирани во 1930 година од лидерите на Туркије и Грција -Мустафа Кемал Ататурк и Елефтериос Венизелос, кои траеја до 1952 година.
На панелот присуствуваше истакната публика во која беа грчки, турски и странски дипломати, новинари и академици.